TRANDALBLUES bratt og blått

Bilete av arrangement

Stjerne Dato: 14.11.08

Stjerne Type: Jam


Sist sommar vart Trandalblues arrangert for første gong. Det vart ein stor suksess med seks hundre gjester på Trandal for å høyre blå tonar. No vidarefører gjengen bak Trandalblues – bratt og blått –  konseptet, og startar med månadlege arrangement på Rust Club & Scene i Ørsta.


– Vi ynskjer å byggje opp eit miljø i Ørsta der vaksne kan gå ut for å høyre på musikk. Det vert ein slags bluesklubb i utvida forstand, der den blå tonen heile tida er i sentrum. Komande fredag, altså den 14. november, vert det første arrangementet. Då vert det jamme-kveld med musikarane i Sunnmøre Baarelag som stamme. Med på jammen vert også musikarar frå det Ålesunds-baserte Jack on the Trade.
Vi samarbeider mykje med musikarane i bluesmiljøet i Ålesund. Gjennom Ålesund bluesklubb vil vi få gjester derifrå både til jammekveldane og til dei reine konsertkveldane.


Før årsskiftet vert det tre Trandalblues-kveldar på Rust. Det vert altså førstkomande fredag, deretter ein fredag før jul, og til sist ein dag i romjula. Då vert det juleblues etter tidlegare konsept på Dublin Pub og Porse.


Vi gjer dette fordi vi saknar eit utetilbod for vaksne i Ørsta. Det gjeld både for oss som musikarar og for oss som publikum.
Gløym gullrekkja på fjernsynet fredagskveldane. Her vert det ei rekkje med edelsteinar seier Kjell Rune Klubbenes.


Pil Til lista for tidlegare arrangement